Amerikadan maşın neçə günə gəlir: daşınma mərhələləri

Mərhələlər

1. 01

   Ödəniş

   Invoice ödənən kimi sifariş logistikaya ötürülür. Hərracın ödəniş müddəti qısadır, ona görə invoice-u gecikdirməyin.

2. 02

   Meydançadan götürmə

   Avtomobil 2–5 gün ərzində meydançadan götürülüb limana aparılır.

3. 03

   Limanda konteyner

   Avtomobil konteynerə yüklənir, konteyner nömrəsi kabinetdə görünür.

4. 04

   Dəniz yolu

   Gəmi Gürcüstan limanına gedir, oradan avtomobil Bakıya çatdırılır. Bu hissə adətən 25–35 gün çəkir.

5. 05

   Gömrük

   Avtomobil Bakıda gömrükdən keçir. Rəsmiləşdirməni özünüz və ya əlavə xidmət kimi bizimlə edirsiniz.

6. 06

   Təhvil

   Avtomobili Bakıda təhvil alırsınız və kabinetdə təsdiqləyirsiniz.

Müddət ştata görə dəyişir

Ən böyük fərqi lotun ştatı yaradır. Şərq sahilindəki limanlardan (məsələn Newark, Savannah) avtomobil daha tez çatır, Qərb sahilindən (Los Angeles, Seattle) yol təxminən 1–2 həftə uzun çəkir. Ştatlar üzrə müddət hansı ştatdan almaq sərfəlidir məqaləsində və ştatlar səhifəsindədir.

Nə gecikməyə səbəb ola bilər

• Ödənişin gecikməsi: invoice ödənməyincə avtomobil meydançadan götürülmür.
• Sənəd (title): bəzi lotlarda sənəd satışdan sonra gəlir. ABŞ-dan ixrac üçün sənəd lazımdır, sənədsiz avtomobil gəmiyə yüklənmir.
• Bayram və həftəsonu: meydança və ya liman işləmədikdə götürmə və yükləmə növbəti iş gününə keçir.
• Limanda gözləmə: konteynerin dolması və gəmi cədvəli bir neçə gün əlavə edə bilər.
• Gömrük: sənədlər tam olmayanda Bakıda rəsmiləşdirmə uzanır.

Avtomobili necə izləmək olar

Kabinetdə hər avtomobilin statusu mərhələ-mərhələ görünür: götürmə, liman, konteyner nömrəsi, dəniz yolu, gömrük və təhvil. Status dəyişəndə telefonunuza SMS, e-poçtunuza məktub gəlir.

Müddətlər orientirdir. Konkret avtomobilin gözlənilən çatma vaxtını kabinetdə və ya menecerdən öyrənə bilərsiniz.

Xərclər haqqında: Amerikadan maşın gətirmək nə qədər başa gəlir.