Amerikadan elektromobil gətirmək: gömrük güzəştləri və xərclər

Gömrükdə nə dəyişir

Benzin, dizel və hibrid avtomobil gömrükdə dörd ödəniş edir: idxal rüsumu, aksiz, ƏDV (18%) və gömrük yığımı. Saytdakı gömrük kalkulyatoru elektromobil üçün idxal rüsumunu, aksizi və ƏDV-ni sıfır götürür. Elektromobilin mühərrik həcmi olmadığı üçün kalkulyator bu xananı da tələb etmir.

Gömrük yığımı isə qalır. O, gömrük dəyərindən (hərrac qiyməti, hərrac haqqı və daşınma) asılı sabit məbləğdir, 15 ₼ ilə 500 ₼ arası:

Hibrid elektromobil sayılmır. Kalkulyator hibrid üçün idxal rüsumunu və ƏDV-ni tam, aksizin isə 50%-ni hesablayır. Plug-in hibridə hansı qaydanın tətbiq olunduğunu gömrükdən soruşun.

Güzəştlər qanunla müəyyən olunur və dəyişə bilər. Elektromobil almazdan əvvəl hazırkı qaydaları gömrük orqanından dəqiqləşdirin. Rəsmi məbləği gömrük orqanı bəyannamə zamanı müəyyən edir.

Benzinli avtomobillə müqayisə

Aşağıdakı nümunələr benzinli avtomobillər üçündür. “Gömrük ödənişləri” sətrinə baxın: hərrac qiyməti eyni olan elektromobildə kalkulyator bu sətirdə yalnız gömrük yığımını saxlayır.

Ona görə elektromobildə yekun xərcin əsas hissəsini avtomobilin özü, hərrac haqqı və daşınma təşkil edir. Gömrük hesabının qaydası gömrük rüsumu necə hesablanır məqaləsindədir.

Gömrükdən başqa hansı xərclər qalır

• Hərrac haqqı: avtomobilin qiymətinə görə pillələrlə dəyişir.
• Daşınma: lotun ştatından və hərracdan asılıdır, hazırda 2 350 $ ilə 3 150 $ arası (ştatlar üzrə qiymətlər).
• Qeydiyyat haqqı: CarBuy Logistics kabineti 800 $ ödəniləndən sonra açılır.
• Təmir: zədəli lotda təmirin qiyməti baxışdan sonra bilinir.
• Tam sığorta: əsas sığorta daşınmaya daxildir, tam sığorta əlavədir.
• Avtomobilin Azərbaycanda dövlət qeydiyyatı.

Batareya

Batareya elektromobilin ən baha hissəsidir. Lotun təsvirində onun vəziyyəti çox vaxt göstərilmir, “Run and Drive” qeydi də batareyanın sağlam olduğunu təsdiq etmir.

• Zədənin yerinə baxın. Batareya adətən döşəmənin altında yerləşir, ona görə alt hissənin (Undercarriage) və yanların zədəsi xüsusi diqqət tələb edir.
• Su basmış (Water/Flood) və yanmış (Burn) elektromobil ən riskli seçimdir: batareyanın vəziyyətini şəkillərdən qiymətləndirmək mümkün deyil.
• Yaşa və yürüşə baxın: batareya illər keçdikcə tutumunu itirir.
• ABŞ-da verilən zavod zəmanətinin Azərbaycanda, xüsusən salvage sənədli avtomobildə işləyəcəyinə arxalanmayın.

Şarj standartı

ABŞ bazarı üçün buraxılan elektromobillərdə şarj portu Amerika standartındadır (məsələn J1772 və CCS1, Tesla-da NACS). Bakıda istifadə edəcəyiniz stansiyaların standartını və adapter lazım olub-olmadığını alışdan əvvəl öyrənin.

• Ev üçün şarj kabeli Amerika rozetkasına uyğundur, zədəli lotda isə ümumiyyətlə olmaya bilər.
• Naviqasiya, proqram təminatı və onlayn xidmətlər ABŞ bazarı üçün qurulub, bəziləri Azərbaycanda işləməyə bilər.
• Modelin Bakıda servisini və təmirini harada edəcəyinizi əvvəlcədən öyrənin.

Yürüş məsafəsi

ABŞ-da elan olunan yürüş məsafəsi mil ilədir (1 mil təxminən 1,6 km) və yeni batareya üçün göstərilir. Köhnəlmiş batareya, soyuq hava və kondisioner real məsafəni azaldır. Ona görə gündəlik yolunuzu elan olunan rəqəmlə yox, ehtiyat payı ilə müqayisə edin.

Sənəd

Elektromobil üçün də sənəd növü həlledicidir: Clean, Salvage və ya yalnız ehtiyat hissəsi üçün (Parts only). Sənəd növlərinin izahı salvage title nədir, zədə qeydlərinin izahı isə hərracda zədə növləri məqaləsindədir.

Alışdan əvvəl

1. 01

   Qaydanı dəqiqləşdirin.

   Elektromobil güzəştinin hazırkı şərtlərini gömrükdən öyrənin.

2. 02

   Lotu yoxlayın.

   Sənədə, zədənin yerinə və bütün şəkillərə, xüsusən alt hissəyə baxın.

3. 03

   Şarjı və servisi planlayın.

   Port standartını, adapteri və servisi əvvəlcədən həll edin.

4. 04

   Xərci hesablayın.

   Kalkulyatorda yanacaq növü kimi “Elektrik” seçin, qiyməti, ili və ştatı yazın.

5. 05

   Limit qoyun.

   Ödəyə biləcəyiniz maksimum bid-i əvvəlcədən müəyyən edin: udulmuş lotdan imtina hərracın cəriməsinə səbəb olur.

Rəsmiləşdirməni özünüz edə və ya əlavə xidmət kimi bizə həvalə edə bilərsiniz.